Huwad na SANA..

Akala ko ‘di ko na makikita ang saya,

dahil lungkot lang ang lagi kong kasama.

Akala ko ‘di ko na masisilayan ang liwanag,

dahil sa dilim ako’y laging naglalayag

Akala ko noon ay wala ng bukas,

dahil nakaraan ang aking binabalangkas

Akala ko kailanma’y ‘di matutupad ang imposible

hangga’t naniwala ako sa posibilidad na mangyayari

Maraming akala ang sa isipa’y itinanim

dahil posibilidad at katotohanan ay nakatagong mariin

mula sa himaymay hanggang sa pinakapatnugot,

Saan mo pa ba ito mahuhugot?

Akala , akala, at isa png akala

kailan ba ito magiging “ito na”?

Sana sa paggising ito’y mangyari na

ang maling akala ay maging huwad na sana