EPIDEMYA..

Bakit nga ba iiba

ang kaisipan ng balana,

hinggil sa katayuan

at estado ng madla?

Di ba't tayo'y iisa

sa anyo at itsura?

Bakit pa ma'y diskriminisasyon

kung sa panlabas lang may baryasyon?

Di lubos maisip

            na sa gitna ng mga ito

Ay may mga taong iiba

            ang persepyon at prinsipyo

Hintulan na lamang

            sa mga ninunong negrito,

Bakit sa mga puti’y api?

            kung pinagmulan ay iisang lahi?

Mahirap ay ilipin

                aristokrasya’y namamayani

Mga banso’t maliliit

                sa hignate’y api

Lumaki sa Espanya,

                tinalikuran ang Maynila

Mga bronse’t pilak

                nilamon ng gintong namimitak

Mga makapangyarihan

                ginagamit ang  karamihan

Sa huwad na mukha

                kay raming nagdurusa

Ito ba Inang Bayan,

                ang sanhi ng ‘yong pagluha?

Ang mundong tila ba

                wala ng lunas pa.

Sadyang laganap na

                ugaling mala-epidemya

Sa munting katawa’y

                tila ba humihingal

Himaymay ng moralidad,

                galamay ng realidad

Mundo’y sinusupil

                ng sakit na sumisiil

Ito ba talaga ang iyong nais?

                o dulot lamang ng iyong pagmamalabis?

Ito’y pagkaisipin

                bago pa maging huli

Maging biktima ng sakit

                na lahat ay nagbubunyi

Epidemyang hatid

                ng mapaglarong hangarin..