DiKSYUNARYO..

Sabi nila, ako’y isang papel,

madaling mapunit, mabasa at malukot

pero kahit ganun, ako’y may silbi

may gamit at nabubuhay sa iba’t ibang uri

Sabi nila, ako’y isang lupa,

nadadangkal at natatak-tapakan ng iba

pero kahit ganun,  ako’y malawak

mabasa man o hanginin ako’y nananatiling orihinal

Sabi rin nila ako’y isang puno,

madaling yumuko pag dinaanan ng bagyo

pero kahit ganun kaya kong manatili saking pwesto

sa baha man o kidlat ako’y hindi patitinag.

Sabi ng iba, ako’y sang salamin,

madaling mabasag at magpira-piraso

ngunit di nila alam, ako’y matatag,

dahil nakayanan kong tagalan ang kanilang mga hayag

Ngunitsa lahat ng kanilang mga husga,

ang pagiging paru-paro ang syang saki’y nagbigay tuwa

mula sa uod na dumanas ng hirap,

Kumuwala sa kukon at sa realidad ay nagging handa

Maramig bagay ang saki’y naihalintulad,

ngunit di nila alintana na ako’y waring huwad

Isang bahaghari na may iba’t ibang kulay,

nagmula sa tubig na walng buhay

Mga salita: lait, puri o komento,

mapahalintulad, salungat o hindi kumpleto

Isa lamang ang saki’y sasakto

Ako’y diksyunaryo ng sarili kong pagkatao